சாத்வீக சாம்பார்

In English

சாம்பார் செய்யும் போது துவரம் பருப்பு குறைவாகவும், காய்கறிகள் அதிகமாகவும் இருக்க வேண்டும். கீழ்க்கண்ட காய்கறிகளில் ஏதாவது 2 முதல் 4 வகையான காயை, சாம்பார் செய்ய பயன்படுத்தவும்.

• முள்ளங்கி
• வெண்பூசணி
• சௌசௌ
• கத்தரிக்காய்
• பரங்கிக்காய்
• கேரட்
• அவரை
• உருளைக்கிழங்கு

 தேவையான பொருட்கள்: (இரண்டு நபருக்கு)

• துவரம் பருப்பு – 50 கிராம்
• காய்கறிகள் – 200 கிராம்
• தக்காளி – 2 (நடுத்தர அளவுடையது)
• சாம்பார் பொடி – 3/4 தேக்கரண்டி
• கொத்தமல்லி தழை - சிறிதளவு
• இந்துப்பு & நீர் – தேவையான அளவு
• சிறிய வெங்காயம் – 10 (வெங்காயம் சாப்பிடுபவராக இருந்தால் மட்டும், இதை காய்கறிகள் வேகும் போது போடவும்)

செய்முறை:

• துவரம் பருப்பை மட்டும் தனியாக குக்கரில் வேக வைத்துக் கொள்ளவும்.
• காய்கறிகளை நீரில் நன்றாக கழுவிய பின்னர், பெரிய துண்டுகளாக நறுக்கவும்.
• மற்றொரு பாத்திரத்தில் காய்கறிகள், நறுக்கிய தக்காளி மற்றும் சாம்பார் பொடி, அனைத்தையும் ஒன்றாக போட்டு வேகவைக்கவும்.
• காய்கள் முக்கால்வாசி வெந்த பிறகு, வேக வைத்த துவரம் பருப்பை, காய்கறி பாத்திரத்தில் ஊற்றவும்.
• 3 முதல் 5 நிமிடங்கள் கழித்து அடுப்பை அணைக்கவும். இறுதியில் கொத்தமல்லி தழை தூவி, தேவையான அளவு இந்துப்பு போட்டு கலக்கவும்.