ஒருங்கிணைந்த இடுப்புக் குளியல்

In English

குயினே டப்பில் அமர்ந்து கொண்டு இடுப்பு மூழ்கும் அளவிற்கு தண்ணீர் ஊற்றிக் கொள்ளவும். கால்கள் டப்பிற்கு வெளியே இருக்கும். வேறு ஒரு அகலமான பாத்திரத்தில் கணுக்கால்கள் மூழ்கும் அளவிற்கு வெந்நீர் ஊற்றிக் கொள்ளவும். கால் சூடு தாங்கும் வரை இருந்தால் போதும். தலைக்கு தண்ணீரில் நனைத்துப் பிழிந்த துவாலையை, தலைப்பாகையை போல் சுற்றிக் கொள்ளவும். வெந்நீர் பாதக்குளியலைப் போன்று இம்முறையில் அதிகளவு வியர்வை வருவதில்லை. எனவே முப்பது நிமிடங்கள் முடிந்த பின்னர் தண்ணீரில் தலைக்கு குளிக்கவும்.

வெந்நீர் பாதக் குளியல்

In English

ஒரு அகலமான பாத்திரத்தில் இரு மணிக்கட்டுகள் மூழ்குமளவு வெந்நீர் ஊற்றவும்.  இதே போல் மற்றொரு அகலமான பாத்திரத்தில் இரு கணுக்கால்களும் மூழ்குமளவு வெந்நீர் ஊற்றிக் கொள்ளவும்.  நீரின் வெப்பம் கைகள் தாங்கும் அளவு இருக்க வேண்டும்.  குளியல் எடுக்கும் நபர் பருத்தியிலான எளிய ஆடை உடுத்தி இருக்க வேண்டும்.  தலைக்கு தண்ணீரில் நனைத்துப் பிழிந்த துவாலையை, தலைப்பாகையை போல் சுற்றிக் கொள்ளவும்.  பின்பு ஒரு நாற்காலியில் வசதியாக அமர்ந்து கொள்ளவும்.  இரு மணிக்கட்டுகளையும் தமக்கு முன்னால் சற்று உயரமாக உள்ள மேசையிலிருக்கும் அகலமான நீருள்ள பாத்திரத்தில் வைக்கவும்.  அதே போல் மேசைக்குக் கீழே மற்றொரு நீருள்ள பாத்திரத்தை வைத்து அதில் இரண்டு கணுக்கால்களையும் மூழ்கச் செய்யவும்.